Оромо

(улуттук тамак-аш)

“Роза” оромосу

Батыш Австралияда жашаган Венера Раст “Роза” деп аталган оромону жасоо жолу менен бөлүшөт.

Kеректүү азыктар (4 кишиге эсептелген):

1 чоң картошка, 2 сабиз, 1 баш пияз, 1-2 баш сарымсак, 250-300 гр. эт, кари майы, туз, мурч.

Даярдоо ыкмасы:

Этти майдалап туурайбыз, калган азыктарды майдалагычтан (теркадан) өткөрөбүз.

Баарын аралаштырып, туз менен мурчту татымына жараша кошобуз да демдеп коебуз.

Камырды анча катуу кылбай жууруп, тынгандан кийин жука кылып жайабыз да узунунан кесип алуу керек. Камырдын ортосуна кари майдан сүйкөйбүз (эгерде эт майлуу болсо камырды май менен сүйкөбөй эле койсо болот).

Ортосуна даяр фаршты салып, эки четин бириктирип, роза гүлү сыяктуу кылып ороп койгула.

Касканга 30 мүнөттөй бышырабыз.

Тамагыңар таттуу болсун!

Венера Расттын дагы рецепттеринен: Жупка

Оромо

Ичиндеги фаршы: эт, пияз, мурч, куйрук май

Камыры: суу, туз, ун, жумуртка

Даярдоо ыкмасы:

Эт менен пиязды майдалап туурап, тузду, мурчту татымына жараша кошуп аралаштырып тыныктырып коебуз. Камырды анча катуу кылбай жууруп, тынгандан кийин жука кылып жайуу керек. Камырдын ортосуна ич майдан сүйкөйбүз. Жука жайылган камыр майланып, үстүнө майда тууралган эт менен пияз кошулат. Оромону (Рулет) сыяктуу кылып ороп коёбуз. Касканда Оромо суунун буусу менен 45-55 мүнөттө бышып даяр болот.

Оромону картөшкө же ашкабактан да жасаса болот.

Булак: http://erkindik.ru/