№11 “Өрүкзар”

Жазым келди жадыраган, жайнаган,
Жаратылыш жаз канатын байлаган.
Жылуулуктун күчөтүп кең сезимин,
Жазгы куштар бакка келип сайраган.

Бак-дарактар жан киргендей кыбырап,
Бүр чыгарып, бири-бирине шыбырап.
Бак аралап көңүл толкуп шаттанып,
Балкып чыгат сезимдерим зымырап.

Өрүкзардын керемети төгүлүп,
Өмүр мага ушунча кооз көрүнүп.
Өзөгүмөн “зырп” эткендей бир нерсе,
Өзгөчөмүн жылуу сезим бөлүнүп.

“Кыргыз маданият борбору” “Адабият Ордо” сайт менен биргеликте “Жаз” темасындагы бир ырдын сынагын уюштурууда. Сынак тууралуу маалымат – https://adabiyat.men/synaktar/1-yrdyn-synagy-zhaz/