Куурма чай

Курамы:
Чай – 10 гр., сүт – 200 гр., суюк каймак – 50 гр., ун – 30 гр., суу – 300гр., туз – 1гр.

Жасалышы:
Чайды фарфор чайнекте демдейбиз. Алгач аны ысык суу менен чайкап алып анан гана чай салабыз. Кайнак сууну чайнектин үчтөн бир бөлүгүнө чейин куябыз. Үстүн сүлгү менен жаап коебуз.

Унду казанда (же сковородкада) тынбай аралыштырып ачык күрөң түстүү болгуча отко коебуз. Даяр демделген чайды идишке куюп, кайнатабыз. Кайнагандан кийин үстүнө сүт, суюк каймак, ун жана тузду кошуп дагы бир жолу 3 мүнөтчө кайнатабыз.

Чөмүч менен чыныларга куюп беребиз.