Бишкектеги “Азур” басылмасы балдар үчүн мыкты чыгармага сынак жарыялады

“Азур” басылма үйү “Балдар китеби-2009” атындагы адабий премияны уюштуруп, балдар үчүн мыкты чыгармага сынак жарыялады. “Кыргызстандын жаңы адабияты” сайты билдиргендей, жеңүүчүгө 1000 евро тапшырылат, ошондой эле анын чыгармасы басылып чыгарылмакчы.

2009-жылкы сынакка жашаган жерине карабай кыргыз жана орус тилдеринде жазган авторлор катыша алат. Сынакка коюлучу чыгармалар – балдар үчүн повесттер, аңгемелер, жомоктор жана ырлар болушу мүмкүн.

Чыгармалар 2009-жылдын 1-октябрынан 28-декабрга чейин кадыл алынат.

Сынак тууралуу толугурак маалыматты бул жерден алса болот.