«Аптап» сынагы: Мелис Мамажан уулу
АБА МУЗДАТКЫЧ
Саратан кайнап жай күнү,
Кадамдайт ысык ар күнү.
Үшкүрсөң эле чыкпаса,
Жокко эсе желдин бар күнү.
Калаада аптап акчудай,
Каалгасын чертип какчудай.
Күпүлдөп кетет унаалар,
Күкүртү койсоң чакчудай.
Тепсесе күйгөн таманы,
Ордуна койдум санааны.
Аралап жүрүп базарда,
Муздаткыч алдым абаны.
Терлеген денем басылды,
Теринин жери ачылды.
Колдонсо болбойт көчөдө,
Бирок да мындай асылды.
Көралбай эмгек пайдамды,
Көөдөндө ойлор айланды.
Кутулбай аптап деминен,
Кетире бердим айламды.
Таң менен турдум оболу,
Толкуттум колдой обону.
Табият берген тоолорго,
Угузуп турдум жобону:
Акырын таптап амалды,
Ышкырык күчүм таралды,
Кыргыздын Ала-тоосунан,
Чакырып келдим шамалды.
Мелис Мамажан уулу,
“Аптап” сынагына
Соц тармактар:
Эн сонун ыр! Аба муздаткычы жонундо айтып атып, кыргыздын тоолорунан шамал айдап келгенин, Мелистин. Аптапты да унута тушот экенсин. Ыр кыргыз пейилиндей жонокой, мээримдуу саптар менен коштолгон.
Ыр ото жатык тил менен шыр жазылганы корунуп турат. Мелисбектин бул 8 муундуу “Аба муздаткычы” эн сонун жазылган. Жаш таланттын буга чейин эч качан, эч бир акын тарабынан айтылбаган ой, адабияттагы “Аба муздаткыч” деген табылгасын каранызчы! Тээ алыста журсо дагы кыргыз шамалын не деген керемет кылып корсоткусу келген. Мелис сага ийгилик каалайм, калемин курч, ниетин калыс, багытын туз болсун! Аган Тумонбай Колдошов. Ош шаары.
Жазылаар кезде жазылбай
Канча ырлар калды дарексиз
Ыр бакмак тугул биз азыр
Жан багуу менен алекпиз
деген ырын окудум эле бир акындын Анын сынарындай
ыр жазуу учун эмес жан багуу учун келген Москвадагы Мелистин бул ыры мени аябай толкундантты
Бар болгула калеми курч акындар!
Поэзия дуйносуно жакындар!
эн сонун жазылган ыр! Ийгилик каалайм сага Мелис…
Азамат Мелис, азамат, Дээринде бар баласын. Жуктонуп алып журо бер, Мекендин салкын абасын.
Ырда сөз жок. өзүнчө стили бар.
Мааниси аябай терен, жакшы жазылыптыр. ИЙГИЛИК каалап кетмекчимин!