Михаил МАМЧИЧТИН балп этме ойлорунан

* * *

Адаттагыдай эле, рыцардын кыялдары соот-чопкуттарын жууганга келгенде бырын-чырын талкаланды.

 

* * *

Сизди түшүнбөй коюу кыйын, бирок мен аракет кылайын…

 

* * *

Аял жөн гана аны угууну эмес, ал эмне жөнүндө айтып жатканын түшүнүүгө жардам берүүнү суранат.

 

* * *

Эгер кимдир бирөө сен жөнүндө жаман ойдо болсо, капа болбо – сен ал жөнүндө андан да жаман ойлосоң болот.

 

* * *

Сиз  биз үчүн – баарысыз! Бирок бизге анчалыктын деле кереги жок…

 

* * *

Парадокс: бир караганда – ал жөнөкөй эле дөбөт, бирок жашоодо ал – ушундай канчык…

 

* * *

Ишенимдүү пикирлеш адам – бул сиз менен бирге өз көз карашын өзгөртүүгө даяр адам.

 

* * *

Медициналык ката – бул пациенттин төлөгөнгө үлгүрбөй тез айыгып кеткени.

 

* * *

Сиз кечирген адамдардан сак болуңуз! Кең пейилдигиңиз жоопсуз калбайт!

 

* * *

Акциялардын түшүп кеткенин оңой эле билип турсаңыз болот – аларды сатып алыңыз.

 

* * *

Эгер адамдар сизди тебелеп-тепсеп буттарын тынымсыз сүртүп өтүп жатышса, демек, сиз алигиче алардын көз жаздымынан кете элексиз.

 

* * *

Өзүң менен баарлашканда гана өзүңдү канчалык аз билгениңди түшүнөсүң…

 

* * *

Канчалык жамандык каалашса да, мен баары бир какап калган жокмун.

 

* * *

Эң эр жүрөк чечим – жашынуу болду.

 

* * *

Мага таяк берсең – пряникти өзүм таап алам.

 

* * *

Мен баарына даяр болчумун, бирок эч ким эч нерсе сунуш кылган жок.

 

* * *

Өзүңүзгө гана таяныңыз – бул ката кетирүүнүн эң жакшы жолу.

 

* * *

“Уялбайсызбы!” – бул барган сайын суроого эмес, суктанууга окшошуп бара жатат.

 

* * *

Жашоо – бул жок туңгуюктан келип, кайра туңгуюкка кайтуунун ортосундагы саякат.

 

* * *

Кантсе да Фемида чыныгы аял болгон: көзүн таңып алып таразага тартып, ошол эле учурда шектенүүгө жол бербөө кимдин оюна келет!

 

* * *

Баарыбыз бул дүйнөгө жөнөтүлгөнбүз, бирок эмне үчүн экени белгисиз…

 

* * *

Ал төмөн кулады. Бирок кандай манчыркоо менен!

 

* * *

Бизди ушунчалык сылык узатышты, кетпей коюу адепсиздик болуп калмак.

 

* * *

Мен чындап эле акылдуу бир нерсе айткым келет – бирок менде айтарга сөз жок!

 

* * *

Эгер чындап эле чындыкка тик карасаң, ал да уялып калышы мүмкүн.

 

* * *

Сен көп адамдарга керексиң, бирок эмне үчүн экенин кеч түшүнөсүң.

 

* * *

Принцип канчалык ойлонулбаган болсо, ага ошончолук кыйынчылык менен макул болосуң.

 

* * *

Адам келесоолуктун айынан бойго бүтүп калса да, бакыт үчүн жаралат.

 

* * *

Адамдар менен тил табышуу конфликттен чарчагандан кийин келет.

 

* * *

Сабыр – бул чоң күч. Бөтөнчө жарылып кеткенде…

 

* * *

Элдин аягында күлбөңүз – кеч жетет экен деп ойлошпосун.

 

* * *

Жашоодо эрдиктин орду бар деп бизди ишендиргендер эмне үчүн дал ошол жерден айланып өтүшөт?

 

* * *

Уятсыздыктын өзү эмес, анын ачкан мүмкүнчүлүктөрү таң калтырат.

 

* * *

Акылсыз жалгыздыкты жеңүүнүн жолун издейт, акылдуу адам андан ырахат табат.

 

* * *

Кимге көп берилсе, ага ар дайым жетпейт.

 

* * *

Өзүңүздөн канчалык аз нерсе көз каранды экенин түшүнгөнүңүзчө, көп нерсеге таасир этүүгө аракет кылсаңыз болот.

 

* * *

Бүргөдөн кутулуунун бирден бир жолу – аны такалоо болгон.

 

* * *

Орусча сүйүү деген эмнени билдирет? Муну орусча кантип түшүндүрсөм экен…

 

* * *

Айсберг жылуу мамилеге туш болгуча өзүн тоо сезет.

 

* * *

Эркиндик сезимин үйүр инстинктинен башка эч нерсе баса албайт.

 

* * *

Президенттик мөөнөт – шайлоочулар үчүн бир нече жылдар бою эркинен ажыроо дегенди билдирет.

 

* * *

Кочкордун жашоосундагы эң негизги нерсе – короодон өз ордун табуу.

 

* * *

Ойлор өзүнөн өзү келбейт. Аларга өзүң жетишиң керек.

 

* * *

Топтон акылдуу болом деп ойлобоңуз: ар бир адам канчалык акылсыз болсо дагы, алар бириккенде акылдуураак.

 

* * *

Жалкоолукту жеңүү оңой, бирок каалабайсың.

 

* * *

Ичкилик – жай өлүм. Ошондуктан, аз-аздан ичүү керек.

 

* * *

Убакыт баарын дарылайт. Бирок аман калган эч ким жок.

 

* * *

Тарбия көргөн адам ачкычтын тешигинен шыкааласа да токтоолугун жоготпойт.

 

* * *

Ар кимде уктап жаткан сүрөтчү, акын бар. Тапкан түнөктөрүн кара…

 

* * *

Эгерде аялды жеке башынан өткөргөн окуялар капа кылса, алар коомдук угууларга айланат.

 

* * *

Жан-дүйнөң ыйласа акылдын үнү угулбай калат.

 

* * *

Эгер из калтыргыңыз келсе – бир жерди таптап тура бербеңиз.

 

* * *

Тоголок кат ушунчалык ийгиликтүү жазылгандыктан, автор байкабай кол коюп алды.

 

* * *

Ар бирибиз өзүбүзгө татыктуу маймылдан чыкканбыз.

 

* * *

Жаш өткөн сайын келесоолук кылып жасаган  иштер азаят, бирок анын сапаты жогорулайт.

 

* * *

Өзүнөн качып кеткендердин көбү санитарлардын колуна түшкөн.

 

* * *

Жаңы жылдык маанай – эшиктен жаңылыш киргендерди көргөндө да сүйүнөсүң.

 

* * *

Кантсе да жогору жактан бир нерсе бар, болбосо мунун баары менин башыма кайдан келди!

 

Которгон Абийрбек Абыкаев